اردو بلاگز ایگریگیٹر اپ ڈیٹس

اردو بلاگز ایگریگیٹر پرکچھ مزید اپ ڈیٹس کی ہیں، سوچا اس کی اطلاع دے دوں۔اپنی رائے سے ضرور آگاہ کریں۔

گراویٹر سپورٹ انسٹالیشن

ایک اپ ڈیٹ گراویٹر سپورٹ انسٹال کرنا ہے۔ گراویٹر کو اردو میں گریویٹر بھی پڑھ سکتے ہیں، اسکا مطلب ہے گلوبلی ریکگنائزڈ ایویٹر Globally recognized avatar۔ اس اپ ڈیٹ کے ذریعے تمام بلاگز سے آنے والی تحاریر اسی بلاگ کے لکھنے والے کے گراویٹر امیج ظاہر کرتی ہیں۔ اس سے فائدہ یہ ہو گا کہ پڑھنے والوں کو فوری طور پر کسی بھی بلاگر کو پہچاننے میں مسلہ نہیں ہو گا۔ کیونکہ تمام اردو پڑھنے والے تمام بلاگرز کو ان کے ناموں سے نہیں جانتے۔ گراویٹر سپورٹ انسٹال کرنے کے لیے تمام بلاگرز کے ای میل ایڈریس درکار تھے جو کہ میرے پاس نہیں تھے

اس لیے میں نے کچھ بلاگرز کے ایمیل ایڈریس اپنے بلاگ سے حاصل کیے جنہوں نے میرے بلاگ پر تبصرہ جات میں حصہ لیا۔ جن حضرات کے ایمیل مجھے نہیں ملے ان کے فرضی ای میل ایڈریس میں نے اردو بلاگز ڈومین پر بنا کر استعمال کر لیے، تو جن صاحبان کو لگے کے ان کا گراویٹر درست نہیں وہ مجھ سے رابطہ کر کے مجھے اپنا ایمیل ایڈریس بجھوا دیں میں اپ ڈیٹ کر دوں گا۔اس کے بعد اردو بلاگز کا صفحہ کیسا لگ رہا ہےیہ تصویر ملاحظہ کیجیے۔

موبائل تھیم انسٹالیشن

آج کل موبائل ڈیوائسز کا دور ہے ، اچھی سے اچھی موبائل ڈیوائسز اور سمارٹ فونز مارکیٹ میں آرہے ہیں جن میں ویب کی زیادہ سے زیادہ سپورٹ شامل ہے، اردو اور عربی زبان میں بلاگ اور اخبارات پڑھے جا سکتے ہیں، اور تو اور فیس بک، یو ٹیوب ٹویٹر وغیرہ کی ایپلیکیشنز بھی دستیاب ہیں جن سے برائوزر کھولے بغیر آپ اپنا سٹیسٹس اپ ڈیٹ کر سکتے ہیں، تصاویر اور ویڈیوز اپ لوڈ کر سکتے ہیں۔چونکہ موبائل پر یہ سب کرنے کے لیے تھری جی یا وائرلیس سے ڈیٹا درامد کروانا پڑتا ہے جو بعض صورتوں میں کافی مہنگا ہوتا ہے اور موبائل کی ننھی سی مشین کو مد نظر رکھتے ہوے ویب پیجز کا سائز چھوٹا ہونا ضروری ہے۔ موبائل تھیم ہمارا یہ مقصد باآسانی پورا کرتی ہے۔ اسی لیے اردو بلاگز پر موبائل تھیم بھی انسٹال کر دی گئی ہے۔ تاہم موبائل تھیم میں مکمل تحاریر کی بجائے صرف تحاریرکے عناوین ظاہر ہوں گے اور نیچے مصنف کا نام، تحریر کے شائع ہونے کی تاریخ اور وقت۔ یہ تھیم نوکیا فورمز کی تیار کردہ ہے اوربیشتر نوکیا سیٹس پر باآسانی دیکھی جا سکتی ہے۔ دیگر سیٹ جیسے آئی فون اور وینڈوز موبائل پر بھی یہی تھیم ظاہر ہو گی اور اسکی شکل کچھ کچھ راشد کامران صاحب کےاردو بلاگ ریڈر جیسی ہو گی۔ میں نے اس تھیم کو وینڈوز موبائل اور نوکیا ای ۷۱ پرچیک کیا ہے تو یہ ٹھیک طرح ظاہر ہو رہی ہے۔اگر کسی صاحب کے پاس آئی فون تو وہ چیک کر کے بتا دیں کہ کیسی لگ رہی ہے۔ فی الحال یہ تھیم انگریزی میں ہے جلد ہی میں اس اردوا کر دوبارہ سے اپ ڈیٹ کر دوں گا۔موبائل یا سمارٹ فون میں اردو بلاگز کا صفحہ کچھ ایسا لگ رہا ہے۔

شمولیت کا فارم

اردو بلاگز پر میں نے شمولیت کا فارم بھی شامل کیا ہے، ویسے تو زیادہ تر بلاگر میں نے اس میں پہلے سے ہی شامل کر دیے ہیں لیکن جو بلاگز رہ گئے ہیں یا جو نئے بلاگرز ہیں وہ اس فارم ک پر کر کے ارسال کریں گے تو ان کے بلاگ بھی تجزیے کے بعد شامل کر دیے جائیں گے۔ اس فارم کو ترتیب دینے کے لیے میں نے اردو لاگ پر ابن سعید صاحب کا تیار کردہ فارم استعمال کیا۔جس میں تما ضروری فیلڈز پہلے سے شامل ہیں۔ فارم کی شکل نیچے ملاحظہ کریں۔

ہوسٹنگ اور ڈومین نیم سے متعلقہ موضوعات پر میں مستقبل میں سوچوں گا۔