پاکستانیوں کو نظام دیں، بھیک نہیں

صدر زرداری گزارا الاونس سکیم کا آغاز کرتے ہوے

ابھی ابھی فیس بک پر ایک خبر دیکھی، پاکستان کے صدر زرداری نے گزارہ الائونس سکیم  کا افتتاح کیا ہے جس کا مقصد غریب عوام کی زندگی کو بہتر بنانا ہے، ادھر شہباز شریف جو کہ پنجاب کے وزیر اعلی اور پتہ نہیں کیا کیا ہیں  طلبا کو سولر لیمپ دے رہے ہیں، اس سے پہلے پی پی پی بے نظیر انکم سپورٹ کے تحت عوام میں پیسے تقسیم کرتی رہی اورپنجاب میں ن لیگ سستی روٹی سکیم کے تحت ایک روپے کی روٹی دیتی رہی جو کہ کچھ عرصہ بعد ایک فلاپ سکیم ثابت ہوئی، میری پاکستانی حکمرانوں سے گزارش ہے کہ پاکستانی عوام کو پیسوں اور چیزوں کی مدد دے دے کر بھکاری نہ بنائیں، ان کو اپنے پیروں پر کھڑا ہونے میں مدد دیں، ان کو بھیک نہ دیں، ان کو بہتر نظام دیں جہاں ہر کسی کو نوکری ملے، انڈسٹری ترقی کرے، علم و ہنر کی قدر ہو، ہر کوئی اپنی محنت کے پیسے سے خود سولر لیمپ اور لیپ ٹاپ خرید سکے، پاکستانی سیاستدانوں کا ہمیشہ سے یہی شیوا ہے کہ وہ عوام کو خیرات اور بھیک دیتے ہیں کبھی بھی انہوں نے نظام کو جڑ سے بہتر بنانے کی کوشش نہیں کی