میرے ایک استاد محترم کی کہی ہوئی یاد گار بات

بیت اللہ کی زیارت اور عمرہ کی غرض سے روانہ ہونے سے پہلے میں یہ خبر اپنے اساتذہ کو سنانے کے لیے گیا، پہلی بار بیرون ملک کا سفر کرنے، اللہ کے گھر کی زیارت کرنے اور اس سعادت کی نصیب ہونے کی ازحد خوشی تھی جو فقط کچھ لوگوں کو نصیب ہوتی ہے۔سبھی اساتذہ اس بات پر خوش ہوے تاہم   میرے ایک استاد نے ایک الگ سی بات کہی ، بیٹا اگرچہ یہ ایک اچھی خبر ہے، لیکن اسکا فائدہ تبھی ہے اگر یہ چیز تمھارے اوپر اثر انداز ہو، مجھے حقیقی معنوں میں خوشی تب ہی ہو گی جب یہ تبدیلی میں تمھارے اندر ہوتے ہوے دیکھوں گا۔ لیکن اگر تم نے دوسروں کی طرح فقط عمرہ ہی کرنا ہے اور واپس آ کر اپنی پہلے جیسی زندگی میں مشغول ہو جانا ہے، جھوٹ بولتے رہنا ہے، نماز کی پابندی نہیں کرنی، وعدہ خلافی کرنی ہے، فلمیں دیکھنی ہیں، گانے سننے ہیں تو مجھے تمھارے اس عمرہ کی کوئی خوشی نہیں۔دوسرے سب بھی کر رہے ہیں، تم بھی کر لو۔
دعا ہے کہ اللہ تعالی سب کو ہدایت نصیب فرمائے ، آمین