جاوا اور جاوا سکرپٹ میں فرق

Difference between Java and Javascript

JavaScript

السلام علیکم
کسی نے مجھ سے پوچھا کہ جاوا اور جاوا سکرپٹ میں‌کیا فرق ہے تو مجھے چند نقاط اکٹھے کرنے پڑے۔ پھر میں‌نے سوچا کہ یہ نقاط آپ تک بھی پہنچائے جائیں۔ ویسے تو ڈویلپرز کو یہ فرق بتانے کی ضرورت نہیں۔ لیکن کمپیوٹر کی دنیا میں نئے افراد کے لیے یہ معلومات اہم ہوں گی۔

بنیادی طور پر جاوا سکرپٹ ایک سکرپٹنگ لینگویج ہے ۔سکرپٹنگ لینگویج اس کمپیوٹر لنگویج کو کہتے ہیں جس کے لیے الگ سے کوئی کمپائلر نہیں ہوتا بلکہ ایک ویب براؤزر ہی اس کو کمپائل کر کے نتیجہ فراہم کرتا ہے۔ جب کہ جاوا ایک مکمل آبجیکٹ اورینٹڈ پروگرامنگ لینگویج ہے۔ جاوا سکرپٹ اور جاوا میں استعمال ہونے والے زبان کے مخصوص الفاظ یعنی ٹرمز میں‌بھی فرق ہے۔ ان کی ڈیٹا ٹائپس میں بھی فرق ہے۔ اور کوڈنگ لکھنے کے انداز یعنی سائنٹکس میں‌ بھی فرق ہے۔ اپنے کمپوٹر پر جاوا سکرپٹ چلانے کے لیے آپکو کچھ نہیں‌کرنا پڑتا سوائے ایک نئے ویب براؤزر ورژن انسٹال کرنے کے۔ جو کہ عام حالات میں‌آپکے کمپوٹر میں موجود ہوتا ہی ہے۔ جب کہ جاوا کو اپنے کمپیوٹر پر چلانے کے لیے آپکو جاوا ورچوئل مشین انسٹال کرنے کی ضرورت پڑتی ہے۔

JavaScript جاوا سکرپٹ

جاوا سکرپٹ ایک کلائنٹ سائیڈ سکرپٹنگ لینگویج ہے جسے فرنٹ اینڈ زبان بھی کہا جا سکتا ہے۔ یعنی اس کا تمام کوڈ کلائنٹ کمپیوٹر سے دیکھا جا سکتا ہے۔ یہ ایک چھوٹے درجے کی زبان ہوتی ہے جس میں محدود درجے کے پروگرامنگ ٹاسک مکمل کیے جا سکتے ہیں۔ جاوا سکرپٹ رن ٹائم پر کمپائل ہوتا ہے اور اسی وقت ہی اس کا نتیجہ فراہم کر دیا جاتا ہے۔جاوا سکرپٹ صرف ایک ویب براؤزر کے اندر ہی چلتا ہے۔ اور میرے خیال سے جاوا سکرپٹ ڈیٹا بیس سے کنکشن قائم نہیں کر سکتا۔

Java جاوا

جاوا ایک فل فلیج پروگرامنگ لینگویج ہے۔ یہ کلائنٹ پر کمپائل نہیں ہوتی بلکہ جے وی ایم یعنی جاوا ورچوئل مشین کے ذریعے کمپائل ہوتی ہے اور یہ رن ٹائم سے قبل اسکا کمپائل ہونا ضروری ہے۔ اس کا کوڈ کلائنٹ سائیڈ پر دیکھا نہیں‌ جا سکتا اور اسے بیک اینڈ لینگویج کے طور پر بھی استعمال کیا جا سکتا ہے۔ جاوا کی بہت ساری شاخیں ہیں، جن میں‌ ویب ایپلیکشن سے لے کر ڈیسک ٹاپ ایپلیکشن اور نیٹ ورک پروگرامنگ تک کی جا سکتی ہے.اور جاوا بذریعہ جے ڈی بی سی ڈیٹا بیس سے کنکشن قائم کر سکتی ہے۔

اس سے ملتی جلتی تحاریر

گوگل ایڈسینس کی بنیادی ٹرمز جانیے

ان پیج اور یونی کوڈ کنورٹر سافٹ وئر

آف لائن انگریزی سے اردو لغت