گاڑی کے ٹائر نہیں ہوتے

سعید صاحب اپنی نہ ماننے والی عادت کی وجہ سے بہت مشہور تھے، کوئی بھی کتنی دلیل سے ، سمجھا کے ، ثبوت کے ساتھ بات کرتا پر انہوں نے کبھی ایسی بات کا اقرار نہ کیا جس پر وہ اٹکے ہوتے، ایک دفعہ ان کے ایک دوست حامد صاحب نے دل میں عہد کیا کہ وہ ان کی یہ عادت تڑوا کر ہی رہیں گے، چنانچہ حامد صاحب نے سعید صاحب سے کہا جناب آپ کو معلوم ہے گاڑی کیسے چلتی ہے
سعید صاحب نے جواب دیا، نہیں
حامد صاحب : گاڑی پر جو پہیے اور ٹائر لگے ہوتے ہیں نہ ان سے چلتی ہے
سعید صاحب : نہیں جناب گاڑی میں ٹائر کہاں ہوتے ہیں، گاڑی تو بنا ٹائر کے چلتی ہے
حامد صاحب : چلیے میرے ساتھ میں آپ کو ابھی گاڑی کے ٹائر دکھاتا ہوں
سعید صاحب :‌ چلیں
حامد صاحب ان کو قریبی سڑک پر لے آتے ہیں اور گزرتی ہوئی کچھ کاروں کی طرف اشارہ کرتے ہیں اور فاتحانہ انداز سے کہتے ہیں یہ دیکھیے یہ جو سوزوکی مہران آ رہی ہے اس میں کالے کالے گول ٹائر لگے ہوے ہیں، جن پر یہ گاڑی چل رہی ہے۔
سعید صاحب گاڑی کو دیکھتے ہوے حیرانی سے سعید صاحب کی طرف مڑے اور کہا، جناب گاڑی کے ٹائر نہیں‌ہوتے، آپ کیوں ضد کر رہے ہیں
حامد صاحب کا چہرہ لال ہوگیا، خیر وہ پلٹ آئے اور پارکنگ میں کھڑی ایک گاڑی کے بالکل قریب پہنچ گئے، گاڑی کے پہیے کی طرف اشارہ کیا اور کہا، یہ دیکھیے، یہ ہیں ٹائر، میں جیت گیا، اب تو آپ کو ماننا ہی پڑے گا
سعید صاحب مسکرائے اور کہا، آپ میری بات کیوں نہیں‌مانتے، میں نے کہا نا ، گاڑی کے ٹائر نہیں ہوتے
حامد صاحب کا چہرہ غصے سے تپ اٹھا، ان کی آنکھیں غصے سے باہر آنے لگیں، وہ گاڑی کے قریب بیٹھ گئے ٹائر پر اپنے دونوں ہاتھ رکھ دیے اور کمزور آواز میں کہا، یہ گاڑی کے ٹائر ہیں، کیا اب بھی آپ انکار کریں گے ؟
سعید صاحب ، میرے دوست میرے بھائی حامد، نہیں ہوتے ٹائر گاڑی میں ، مان جاؤ میری بات
حامد صاحب سڑک پر سے اٹھے اور کہا شاید آپ ٹھیک کہتے ہیں ، گاڑی میں واقعی ٹائر نہیں ہوتے